Bu gün Çempionlar Liqasının 1/8 final mərhələsinin cavab matçlarına iki oyunla start verilir. «Arsenal» (İngiltərə) «Portu»nu (Portuqaliya), «Fiorentina» (İtaliya) isə «Bavariya»nı (Almaniya) qəbul edəcək. Xatırladaq ki, ilk oyunlarda portuqaliyalılar və almanlar 2:1 hesabı ilə qələbə qazanıblar.
Azərbaycanda Çempionlar Liqasının yayım hüququnu alan «Lider» televiziyasından Qol.Az-a verilən məlumata görə, saat 23.45-dən etibarən futbol azarkeşləri «Arsenal» - «Portu» matçını izləyə biləcəklər.