Dünən Bakı vaxtı ilə saat 23.00-dan etibarən Lüksemburq və Azərbaycan milli komandaları arasında yoldaşlıq oyunu keçirildi. Qol.Az saytı bu qarşılaşmadan canlı mətn-reportaj yayımladı.

Beynəlxalq yoldaşlıq görüşü
23:00. Lüksemburq – Azərbaycan 1:2
Baş hakim: Kari Petteri (Finlandiya)
Hakim-köməkçiləri: Mikko Alakare, Conas Turunen (hər ikisi Finlandiya)

Ehtiyat hakim: Bruno Qomes (Lüksemburq)
Lüksemburq şəhəri. “Joze Bartel” stadionu

Azərbaycan: Kamran Ağayev (Fərhad Vəliyev, 21), Rail Məlikov, Maksim Medvedev, Rəşad Sadıqov (k), Ruslan Abışov, Aleksandr Çertoqanov (Saşa Yunisoğlu, 46) Samir Abbasov, Mahir Şükürov, Elvin Məmmədov, Rauf Əliyev (Ramim, 58) Fərid Quliyev

Matç bitdi.

89. Saşa Yunisoğlu vaxtı uzatdığına görə sarı vərəqə alır.

71. Mahir Şükürovun cərimə meydançasına ötürməsindən sonra Ramim topu qapıya vurur. Top qapının üstündən keçir.

62. Qapımız qarşısında iki təhlükəli vəziyyət yaşanır. Fərhad Vəliyev inamlı çıxış edir.

59. Ramim uzaq məsafədən qapıya zərbə vurur. Qapıçı topu tutmaqda çətinlik çəkmir.

58. Rauf Əliyevin əvəzinə meydana Fabio Luis Ramim daxil olur.

48. Hoffmanın zərbəsindən sonra top qapının üstündən keçir.

İkinci hissə başladı.

İlk hissə başa çatdı.

37. QOOOLLL.... Maksim Medvedyevin ötürməsindən sonra Elvin Məmmədov başla mükəmməl qol vurur.....

34. QOL. Ştrasser cərimə zərbəsindən topu qapımıza göndərir. Fərhad bu epizodda diqqətsiz oynadı.

33. Çertoqanov Ştrasserə qarşı kobud oynadığından sarı vərəqə alır. Lüksemburqlular indi cərimə zərbəsindən istifadə edəcəklər.

32. Hoffmanın zərbəsi dirəkdən dönür...

28. QOOLLLLL.. Fərid Quliyev lüksemburqlu müdafiəçinin səhvindən istifadə edərək komandamızı hesabda irəli çıxarır. Fərid millimizin heyətində ilk qolunu vurdu.

25. Maksim sarı vərəqə alır.

21. Fərhad Vəliyev Kamranın əvəzinə meydana daxil olur.

20. Kamran Ağayev zədələnərək meydanı tərk edir. Ehtiyac duyulmayan bir epizodda Kamran tulanaraq topu tutdu. Bu epizoddan sonra Ağayev zədələnir. Ümid edirik Kamranın zədəsi ciddi deyil...

16. Oyun bu dəqiqələrdə əsasən meydanın mərkəzində keçir.

8. Rauf Əliyev sol cinahdan rəqibin cərimə meydançasına ötürmə verir. Lakin son anda lüksemburqlü müdafiəçilər topu uzaqlaşdırırlar.

3. Şükürov künc zərbəsindən topu Maksim Medvedyevə ötürür. Maksim topu cərimə meydançasına doğru göndərsə də, top meydanı tərk edir.

1. Mahir Şükürov ilk zərbəni endirdi.. Zərbə qüvvətli olsa da, top qapının yanından keçdi.

Matç başladı.